Fátt fer meira í taugarnar á mér þessi vordægrin en skoðanakannanir um fylgi stjórnmálaflokka og fréttir tengdar þeim. Flestar ef ekki allar þessara kannana eru ómarktækar á svo mörgum sviðum. Hver kannast ekki við setninguna: “32% þjóðarinnar myndir kjósa Samfylkinguna ef kosið yrði nú samkvæmt nýrri könnun frá Gapacent-Gallup” En hvað er á bakvið svona fullyrðingar?
Tökum smá dæmi (hafa ber í huga að undirritaður er læra aðferðafræði og upplýsingarýni á háskólastigi)
Dæmið okkar er skoðanakönnun sem Capacent-Gallup tók fyrir Rúv og Morgunblaðið dagana 11-17 mars 2009.
Spurt var:
“Ef kosið yrði til Alþingis í dag, hvaða flokk eða lista myndir þú kjósa?
Þeir sem voru óákveðnir voru spurðir: “En hvaða flokkur yrði líklegast fyrir valinu?”
Þeir sem enn voru óákveðnir voru spurðir: “Hvort er líklegra að þú kysir Sjálfstæðisflokkinn eða einhvern hinna flokkanna?”
Ég gæti verið með langt nöldur um þessar spurningar en dæmi bara hver fyrir sig.
Úrtakið 1555 manns og svarhlutfall 62,5% eða 971 einstaklingar 18 ára og eldri
Af þessum 971 einstaklingum taka 71,7% afstöðu til spurningana eða 696 einstaklingar.
Af þessari tölu (696) finnur Gallup út fylgi stjórnmálaflokkana en tekur ekki með í reikningin þá sem ætla að skila auðu, neita að svara eða eru óákveðnir.
Svona lítur dæmið út ef fylgið er reiknað út frá þeim er tóku afstöðu (birt svona í fjölmiðlum):
En svona lítur dæmið út ef fylgið er reiknað út frá öllum sem svöruðu. (971 einstaklingur):
Þeir sem ætla að skila auðu eru stærra stjórnmálaafl en Framsóknarflokkurinn sem einhverjum gæti þótt merkilegt.
Ég hvet fólk til að gagnrýna svona kannanir og horfa lengra en bara á myndritið sem birtist á mbl.is
Allar tölur og myndrit eru birt með fyrirvara og vitleysur og reiknimistök.
“Weird Al” Yankovic – Trapped in the Drive-Thru
Gjörsamleg snilld!
Þegar ég var yngri þá átti ég það til að setja saman flugmódel sem þá fengust í Bimbó. Þetta var ágætis afþreying þótt að ég hefði aldrei haft þolinmæði í að klára verkið, þ.e.a.s. klára að setja límmiðana á vélarnar. Einu sinni fékk ég módel af fiskibát í jólagjöf frá afa og það þótti mér snilldargjöf og fór strax að setja saman bátinn. En þar endurtók sig sama sagan og með flugvélarnar. Þegar það kom að því að klára smáatriðin þá brast þolinmæðin og ég hætti. Ég fékk endrum og eins líka tækni Lego í gjafir eða keypti mér sjálfur og oftast nær kláraði ég þær smíðar og þegar ég geng í gegnum leikfangaverslanir þá stoppa ég oft við Lego rekkann og læt mig dreyma um að kaupa gröfuna, kranabílinn eða ýtuna. En þar sem svona flott tækni Lego kostar á bilinu 10.000 – 30.000 þús þá hef ég sleppt því.
Í dag fórum við Þuríður á Glerártorg í RL búðina og komum við í Toys R us í leiðinni, þar var tækni Lego vörubíll á tilboði 8.999 kr og munaði minnstu að ég hefði keypt gripinn. Það eina sem stoppaði mig var Mastercard reikningur síðasta tímabils sem ég þarf að borga eftir nokkra daga. En þegar ég kom heim fór ég beint á netið til að skoða úrvalið í tækni Legoi á Íslandi en eftir smá leit kom í ljós að það er ekki mikið og eins og fyrr segir, frekar dýrt. Þannig að ég snéri mér að tomstundahusid.is og skoðaði hin ýmsu módel sem þar er að finna og sú skoðun endaði með því að ég keypti 1 stk skipamódel nánar tiltekið, Hollenskt flutningaskip frá árinu 1628. Hér má finna upplýsingar um vöruna og að neðan er mynd af gripnum. Nú er bara að bíða eftir sendingunni og biðla til Þuríðar um vinnupláss 
Þetta er klárlega klúður ársins:
Texti frá dv.is:
Meðfylgjandi myndir náðust af forsetabifreið Ólafs Ragnars Grímssonar í Bankastræti um fimmleytið í gærdag. Þar sést hvar 11,7 milljón króna Lexus LS600h lúxusbifreið forsetans er lagt í stæði fyrir fatlaða.
Samkvæmt vitnum í Bankastræti í gær beið einkabílstjóri í stæðinu í allt að sex mínútur á meðan forsetahjónin sinntu einkaerindum í nærliggjandi verslunum.
Nú er komið að tækifærinu til að taka þessa Makedóna í gegn í þessari reykmettaðri holu. Þetta verður erfitt og mikið mæðir á kjúklingunum. Engin Óli Stef, Logi, Arnór, Sigfús og Snorri og Alex eru tæpir. Ég er frekar stressaður og verður erfitt að horfa á þetta án Magna og Bigga. Ég mæli með að allir verði á msn í kvöld svo maður geti rætt stöðuna í hálfleik.
Ég ætla hér með að stofna Handboltaáhugamannafélagið Gústaf (nefnt í höfuðið á Gústaf Bjarnasyni) til að halda utan um handboltaáhorf og umræður.
Það er gott að vita að SkjárBíó er búinn að komast að því að fræðsluefni um Vestfirði er leiðinlegt sjónvarpsefni. Mig langar samt rosalega að fá að vita hvernig þeir komust að þeirri niðurstöðu. Er allt fræðsluefni leiðinlegt eða bara það sem fjallar um landsbyggðina?
Afhverju ætti maður að treysta á efnahagslausnir Tryggva Herbertssonar þegar hann tók lán hjá Askar Capital fyrir 150 milljón hlutum í Askar Capital með veði í hlutabréfunum sjálfum þegar hann var ráðinn forstjóri Askar Capital!
Mig langar ofboðslega að fá mér bjór með Tómasi, Bigga og Arnari og nöldra um allt milli himins og jarðar.
Ég veit ekki hvort ég geti horft á Ísland-Makedónía án Bigga og Magna.
Mér finnst að Haukur Sigurðsson eigi að klippa á sér hárið og raka af sér “skeggið”.
Þeir sem vilja sjá Cintamani dúnvesti í “action” er bent á að smella hér.
Akureyri er áhugaverður bær með mikið af séreinkennum sem gaman er að fylgjast með og prufa. Sæm dæmi má nefna að ef þú pantar pylsu með öllu “slöngu með kremi” þá færð þú kokteilsósu með. Búkollan er að sjálfsögðu fræg en það er pizza með bernaise, nautakjöti og frönskum, svo hafa Akureyringar þann háttinn á að þeir eiga það til að setja franskar inn samlokur, báta og hamborgara. Rauðu ljósin á umferðarljósum bæjarins eru hjartalaga og það er líka risastórt hjarta úr ljósaseríu í hlíðinni hinumegin í firðinum. Á laugardögum panta allir pizzu á Greifanum, Jóni Spretti, Tikk Takk, Bryggjunni en helst ekki Dominos. Hér kostar stór pizza með þremur áleggstegundum á bilinu 1390-1590 kr.
En það sem vekur kannski mesta eftirtekt hér nyðra er Cintamani dúnvestismenning kvenna. Hér gengur u.þ.b. 1/4 hluti kvenna í svokallaðri “Elínu” eða “Elísu”. Í meðalferð í Bónus eða Glerártorg sér maður á bilinu 4-6 dúnvesti. Ég hef líka heyrt frá vinkonum mínum hér að það sé til einhver týpísk akureyrísk stelpuklipping en sem alvöru karlmaður get ómögulega greint hana frá öðrum stelpuklippingum. Meðfylgjandi er mynd af dúnvestinu margfræga og hvet ég alla þá sem eiga leið sína norður að telja hveru mörg þeir sjá.
Birti hér úrdrátt úr hálfgerðum leiðara í kynningarblaði Samfylkingarinnar um prófkjör í norðaustur kjördæmi. Höfundur textans er Jóhann Jónsson kosningastjóri. Breytingar á leturgerð er mínar.
“Kynjaregla flokksins verður viðhöfð þar sem annað kynið þarf að hafa lágmark 40% sæta framboðslistans. Einstaklingar af sama kyni skipi þó aldrei fleiri en tvö sæti í röð. Samfylkingin er opinn og lýðræðislegur flokkur og er óhræddur við að setja verk sín í dóm kjósenda. Sú leið að hafa prófkjör til Alþingiskosninga opið og um leið rafrænt sýnir að flokkurinn vill hlusta á kjósendur og nú gefst kjósendum kostur á að sýna vilja sinn í verki.”
Sem sagt, kjósendur sýna vilja sinn í verki svo lengi sem að annað kynið fái 40% sæta og að sama kynið skipi aldrei fleiri en tvö sæti í röð. Það er rosalega lýðræðislegt og opið allt saman. Þar sem prófkjörið er opið öllum þá get ég ekki séð að eitthvað komi í veg fyrir að fólk kjósi þá frambjóðendur sem því lýst á óháð kyni. En það er eins og Samfylkingin í norðausturkjördæmi haldi að fólk kjósi út frá kyni og ætli að koma í veg fyrir að það ráði för.
En ég spyr, ef fólk kýs eftir kyni, er eitthvað athugavert við það? Má fólk ekki kjósa eins og því sýnist? Er það hlutverk stjórnmálaflokka að skipta sér af því afhverju fólk kýs frambjóðendur? Ef einhverjir einstaklingar láta kynferði frambjóðenda þvælast fyrir sér þá verður bara að hafa það. Það eru svartir sauðir alls staðar og við hreinsum þá ekki út með því að takmarka vald kjósenda.
Já, maður hreinlega spyr sig!
Var að horfa á utandagsskrárumræður um endurúthlutun kvóta. Það er merkilegt að sjá hversu fljótt umræðan fer út í upphrópanir og almenna vitleysu. Aður en tekist er á um breytingar á kvótakerfinu þarf að vera búið að svara eftirfarandi spurningum:
Er rétt/gott að hægt sé að veðsetja óveiddan fisk?
Hver á að ákveða hve mikið/hvað og hvernig má veiða?
Er rétt að sá sem fær úthlutðum kvóta geti selt/leigt hann áfram?
Hver á fiskinn í sjónum?
- Þjóðin, sveitarfélög eða sá sem fær úthlutuðum kvóta?
Þessum spurningum verður að svara áður en lengra er haldið í umræðunni. Flokkar og framboð verða að svara þessu svo að þjóðin geti gert upp hug sinn af einhverju viti.
Undirritaður er sonur sjávarútvegsfræðings og systursonur formanns Frjálslynda flokksins.
Ég birti hér úrdrátt úr tveimur fréttum af dv.is um bílamál forstjóra Lífeyrissjóðs verslunarmanna. Ég er algjörlega brjálaður!! Ég borgaði í þennan lífeyrissjóð þegar ég vann hjá BT og þetta gjörsamlega gengur fram af mér!
Þorgeir Eyjólfsson, forstjóri Lífeyrissjóðs verslunarmanna, hefur þegið þrjátíu milljónir á ári í laun fyrir störf sín en auk þess keyrir hann um á tíu milljóna króna Cadillac Escalade í boði sjóðsins.
Á sama tíma og forstjórinn keyrir um á bandarískum lúxusbíl af dýrustu gerð þá tapar sjóðurinn þrjátíu og tveimur milljörðum vegna fjárfestinga sinna.
“Þetta er hluti af mínum starfskjörum,“ segir Þorgeir Eyjólfsson, forstjóri Lífeyrissjóðs verslunarmanna sem hefur þegið þrjátíu milljónir á ári í laun fyrir störf sín. Honum hefur verið útvegaður tíu milljón króna Cadillac Escalade til afnota í boði sjóðsins. Aðspurður hvort eldsneyti sé innifalið í þeim starfskjörum segir Þorgeir svo vera.
Eftir því sem DV kemst næst eyðir lúxusjeppinn um það bil 25 lítrum á hundraði í akstri innanbæjar en getur þó farið upp í 30 lítra á hundraði ef allur kraftur hans er notaður.
Sem dæmi má nefna tekur það íslenska láglaunamanneskju hundrað og fimm ár að borga lúxusjeppa Þorgeirs með iðgjöldum sínum sé miðað við fjögur prósenta gjöld. Þorgeir býr rúman kílómetra frá vinnustað sínum í Húsi verslunarinnar við Kringluna.
Ef manninum með 2.5 miljónir getur ekki keypt sér sjálfur bíl til að komast á milli staða hefði átt að gefa honum strætókort eða góða skó og regnhlíf. Eða bara Yaris! Hann á að segja af sér og þeir sem réðu hann sömuleiðis!
Já ég er helvítis fokking fokk reiður!
